US cozahpi Do dingin President Donald Trump dinpitu Ralkap Man Ṭhepṭhep Zo

US rampi hrilawknak thubuai cu daih lam pan loin a sosang vivo ih President Donald Trump dinpitu Texas ih um miṭhenkhat cun American cozahpi do dingin hriamhrei ken kan man tiah Reuters hnen ah an sim.

Rampi duhdawttu/runsuakduhtu ralkap tiawtu South Plains Patriots member Brett Fryar cun “Pu Trump in ‘ka mipi pawl, tukum rampi hrilawknakah a fumfe zetmi diklonak khihhmuh ding kan nei nan court lam in an cohlang duh lo. Curuangah American mipi pawl hriamhrem keng in tho uh si’ tibang sehla rampi duhdawttu ralkap pawl kan man ṭhepṭhep zo” tiah Reuters hnen a sim a si.

Brett Fryar cu member 500 luan umnak South Plains Patriots ih ralkap hriamhrei hmandan zirhtu a si ih tu khal ah ralkap pawl meithal kah zirh phah in raltho dingah a man zo a si.

Brett Fryar poses outside of his office in Sundown, Texas, U.S.

Reuters in Pu Trump dinpitu mi hranhran mipum 50 thusutnak a nei ih cupawl cun President-elect Joe Biden lam in diklo zawng in an cangvai ruangah Pu Trump a caklo timi ruahnak an nei.

Asinan cupawl lakih mipum 20 cun thildiklo zianghman a um lo timi fiangfai zetih khihhmuhding a um ahcun Jeo Biden cu rampi President dingah kan cohlang thei ko an ti.

Reuters ih thusutnak a nei mi pawl cu right-wing media outlets (Newsmax, One American News Network tvk) thuthang phuangsuahmi par ih hngetawtu deuh hlir an siih mainstream media dang aw-an ngaiduhlo bepbep an si.

2020 US rampi hrilawknak thu thawn pehpar in US ramsung media pawl ih tar mi vek a si le tudinhmun ah Joe Biden in hmai a hruai lai ih vote siarsalnak Georgia result khal ah Joe Biden in nehnak a co tiah an tarlang a si.

Tudinhmun result suak mi kan zoh a si ahcun 2021 ihsin thok US rampi hruituding cu Joe Biden si in a lang nan Pu Trump admin lam cun an cohlang thei lo.

Election commission lam khalin rampi hrilawknak ah diklo zawng ih cangvainak pakhathman a um lo ti`n thuthang an suah nan Pu Trump admin lam cun cohlang thei lo in an dinpimi “election Fraud” cu court lam ah thlen vivo an tum a si.

UPDATE – Sunday, November 22, 5:33 AM GMT+5:30

US President sithei dingih hmunram thupibik Battleground State UPDATE :-

Arizona

Arizona

Florida

Florida

Georgia

Georgia

Michigan

Michigan

Nevada

Nevada

North Carolina

North Carolina

Ohio

Ohio

Pennsylvania

Pennsylvania

Wisconsin

Wisconsin

Hram:TheGuardian

Leave a Reply

Your email address will not be published. Required fields are marked *

error: hahahahahaha !!