US cozah thusuah cu Russia in a rak tuar/La na tuk

Ukraine thubuai thawn pehpar mi thurel dingah US le China palai, Rome khua ih an tongaw hlan ah “Russia cozah in Ukraine ramsung cangvaihnak hlawhtling thei dingah hriamhrei ralthuam pawl China hnen ah a dil” ti`n US cozah in thu an suah.

Ziangvek bawmnak a dil ti cu cipciar in tarlang a si lo nan, US thusuah cu Russia in a rak la na zet ih thu an suah rei lo te ah leet saal nak thu an suah ve loh li.

“Russia in China hnen ah bawmnak a dil lo. Ukraine ramsung ih kan tuah duh mi deihin ziangkim kan nei famkim thluh” tiah Kremlin spokesman Dmitry Peskov cun US thusuah a leet saal lohli.

Russia hi Leitlun ralthuam nei ṭha lam le san man bungrua nei ṭha zet vekin thu a rak um nan, tuṭum Ukraine ram an luhcilh nakih an tuar nasat mi hin thusutding tamzet a ti suak.

Ukraine ralkap pawl ih laksakmi Russia tank le raldo mawṭaw ṭhenkhat an zoh ciang tikah a hlun zetmi ralthuam bungrua hmuh ding a tam.

Russia tank sunglam an zuk mi tanglam ah na zoh thei ……

Tu dinhmun ah Ukraine Armed Forces thusuah vek a si le Ukraine ram luhcilhtu Russia ralkap 12000 hrawng an thi zo ti a si ih, raldo vanzam siseh, tank, helicopter le raldo mawṭaw tamzet an siat sak zo tiah theih a si.

2022, March 14 tiangih Russia sunralmi cazin cipciar …

Leave a Reply

Your email address will not be published. Required fields are marked *