US cozah kuthlannak cu Ukraine President in a El mei

US cozah in rampi pakhat hruaitu/mithupi sahim theinak dingah Ukraine President cu hmun him ah ṭhawn lohli dingin kut a hlan nan President Volodymyr Zelensky cun a el mei.

US cozah kuthlannak cu February 26 ah a cohlang lo thu a rel ih, Ukraine President Volodymyr Zelensky cun “Phurhthiar ka mamawh lo. Ka ṭul mi cu hriamhrei ralthuam sawn a si” a ti.

Russia President Vladimir Putin cun February 24 ah Ukraine luhcilh dingin a ralkap pawl thu a pe ih, ramsung ralkap pawl a sung pek dingin siseh, Russia cangvaihnak dawnkhamtu cu nazetin kan hrem ding tiah thu a suah cih.

Tuhrih tiangah Russia cozah cun dung siip tum loin Ukraine ramlai a nor vivo nan, Ukraine rampi/mipi cun hriamhrei thazang neihsun suahin an ram an humkham ve.

Tu dinhmun ah Russia-Ukraine buainak cu remdai thei dinhmun a si hrih lo ih, Hriamhrei ralthuam phunphun thawn an doawk nakah kaphnih in mithi tamzet an um zo tiah theih a si.

Leave a Reply

Your email address will not be published. Required fields are marked *