Mizoram : Chinmi kut sungah Rs ting 26 luan man riit theih sii an kai

September 24 ah Champhai peng, Melbuk khua ih riittheihsii (Metamphetamine) an phur mi Rs ting 26 luan man cu a neitu tiih ruahmi Chinmi pahnih thawn Champhai palik in an kai tiah theih a si.

Riitsii pum 9600 thawn kaihngahmi mipahnih cu Chin ramkulh Haimual khuami Lalhmangaiha le Lalkungthara an si tiah palik lam in thu an suah ih Narcotic Drugs and Psychotropic Substances Act, thawn thubuai an tuah sak tiah kan thei.

ND&PA Act thubuai cu amalbik kum 10-20 sung thawngthlak lole Rs ting 1-2 cawhkuan lole apahnih ti`n hrem tuar theih a si ih Chin mi pahnih khal hi zirzoinak an nei vivo dingih mawhnak an hmu pang cun tlunlam ih tarlangmi bangin hrem tuar thei an si.

Kan dung September 22 khalah Falam peng ihsi phurmi bingrang 337gr cu Kawlrammi pakhat le Mizo mi 2 thawn Mizoram palik in an rak kai dah a si.

Leave a Reply

Your email address will not be published. Required fields are marked *