UN in Sii vai company pawl ih phanbikmi Cannabis thawn pehparmi a Policy a thleng

Riittheih lakih ṭihnungbik cocaine, Fentanyl, morphine, Methadone, opium tvk thawn sinak bangran ih rak ret/ruah mi cannabis (siichauk tivek) thawn pehpar in December 2 ah UN in a Daanhrampi a rem a si.

Tuhlan kum thawngtel sung natnak damternak sii vai ih rak hman mi Cannabis cu 1961 kum ah UN in Sii vai hrang ih ṭhathnemnak neilo tiah thilṭihnung dinhmun in riittheih dokalhnak UN Daanhrampi ah a rak khum.

Asinan, tu ah, World Health Organization ih thuburnak zar ah UN Commission on Narcotic Drugs member ih tel rampi palai pawl in vote thlaknak an nei ih Cannabis thawn pehpar mi UN policy remsal duhtu rampi palai pawl in 27-25 in vote thlak an neh ruangah Cannabis cu Sii vai tuahnak ih hman theih dingin UN riittheih dokalhnak Daanhrampi cu an remṭha a si.

UN pi in hitiih policy a thleng ruangah UN member a si mi ram pawl ah Cannabis zalen zetih hman theih ding tinak a si lo ih Sii vai tuahnak/zirnak dingah zalen zetin Cannabis hmantheih dingin lamziin a ongsak sawn mi a si.

Sii vai hrang silo, riittheih zawng ih hmangtu cu a umnak rampi Daan vekin cozah lam in hmalaknak an nei thei thotho a si.

Leave a Reply

Your email address will not be published. Required fields are marked *

error: hahahahahaha !!