Umnak Inn neilo Zuun-inn ih khawsa Pu Hlimawma tei` innsungsang ngaihsaktu an pung vivo

Mizoram, Thingdawl khua ih umnak neilo Khuatlang zuun-inn hrang ih sakmi luahtu Pu Hlimawma te sungkua cu lainat ngaihventu an tam vivo.

Pu Hlimawma te sungkua cu innsangpa nica hlawh mi ring ih khawsa an siih fanute pakhat an nei. Kum 2020, pulhnat boruak lockdown thok, March thla hrawng ah khan vansiatthlak zetin inntekpa Pu Hlimawma cu ungtii (coconut) in a zangruh a tlaa ih nikhat thilthu ah an sungkua nuntukhawsakdan cu a thlengaw verver thluh.

Ungtii ih tlak ngah nak cu minung taksa hrang ih thupibik pakhat a si mi a zangruhpi (spinal cord) a si ih ṭhiṭha in a feh thei nawn lo. An nu khal hi Ke ṭhalo a si ih an sungkua zohkhen ih hnaṭuan thei cii a si lo.

Curuangah harsa vangsang in Khuatlang zuun-inn luah ih an um naksan a siih khuapi venghnen bomnak thawn rawl ei ding nei phah fangfang khi an si.

Hitiih harsa zetih an khawsa mi cu Mizoram ih Lar zet, Zo Inspiration Youtube channel in a theisuak ih an mah ti thei tawk te bawmnak pek dingin an khua ah an va pan. Cumi cu video an zuk phah ih hmatonthusutnak an nei lai pawl khal an record thluh.

Cuih video cu Youtube ah tlangzarhnak an nei ih a zohtu khal Thawngsawmnga an luan zo a si. Cutin Zo Inspiration cun Pu Hlimawma tei` innsang hrang ah bawmnakding a tawlrel sak cih ih, tu ah Rs 3,15,065 an dong zo a si.

Leave a Reply

Your email address will not be published. Required fields are marked *