Ukraine hrangah thuthang ṭha, Russia hrangah Zaan mang sia

Ukraine hrangah sanman ralthuam phunphun bawmnak pe rero zotu US cozah cun an ramsuak Raldonak Drone maktara cu Ukraine hrangah a kuat men thei tiah thuthang a suak.

US cozah sunglamthu dongtu NBC news cun “atu hi kuat ding maw? kuat lo ding thu ah US cozahpi a ruat ṭha rero lai” tiah a tarlang.

Switchblade tiih kohmi Raldonak Drone cu Switchblade 300 le Switchblade 600 ti`n phun 2 a um. 300 cu mibur kah nakah an hmang tlangpi ih, Switchblade 600 cu raldo mawṭaw, Tank tivek kap nakah an hmang mi a si.

Raldonak Drone dang vek siloin Switchblade 600 cun peng 50 hlatnak hmun tiang fuh zetin a kap thei ih minutes 40 sung a zam thei.

Switchblade 300 khal cun peng 6 luan (10km) tiang a bat mi fuh zetin a kap thei. Ral umnak hmun GPS thawn a hawl thei hlei ah hmun hla ihsin camera zohin control a theih.

US cozah siseh, NATO khalin Ukraine hrang raldonak bungrua phunphun a kuat zo nan, atu ih an ruat ṭha rero laimi sanman Switchblade 300 le Switchblade 600 raldo vanzam fate an kuat bet cun Russia lam an tuar na zet ding tiah ralthuam lam thiamsang pawl in an sim.

Leave a Reply

Your email address will not be published. Required fields are marked *