UK ram ah Covid 19 vaccine an dawt thok, Dawt hmaisabiktu Ann-Ka
UK ram Harhdamnak ṭuanvonei pawl cun mipi hngakhlap zetmi Covid 19 vaccine cu November 8 zingpit in tlangzarhnak an nei thok ih UK ram Siizungpi tamzet ah Covid 19 dokhamsii an dawt thok thlang a si.
Pfizer-BioNTech tuah mi Covid 19 vaccine cu UK ram ih Sii vai thiamsang pawl in zohciangnak an nei hnu ah a him a si ti`n an pom ruangah tuvekin Covid 19 dokhamsii an dawt thok nak a si.
Margaret Keenan, the first in the UK to receive a Covid-19 vaccine, is wheeled out of hospital to applausehttps://t.co/NrjEeANhKd pic.twitter.com/g4rQlEuZ3R
— ITV News (@itvnews) December 8, 2020
Vaccine dawt hmaisabik cu kum 90 mi Margaret Keenan a siih, a mah cun “Covid 19 vaccine voneihnak hmasabik cotu ka si hi sunglawi ka ti tuk. Hmaizarh in kum 91 ka kim ding. Cumi ni hrang ah ka hrang ih ropibik birthday present ka dong cia tin karuataw.”
“Kum 1 sung, keimah telawng caan tamsawn ka hmang mi ni a tawp ta. Tuahcun vaccine ka dawt zo ih ka sungkhat, ka duhdawtmi rualṭha pawl thawn Kum thar ni mawi kan hmang thlang thei thlang ding. In kilkhawitu le rampi ṭuanvonei pawl hnen khalah lungawithu ka sim duh a si” tiah Metro hnen ah a sim.
BREAKING: The first Briton to get the Pfizer/BioNTech Covid-19 vaccine — 90-year-old Margaret Keenan — received the first of two doses at University Hospital in Coventry, less than a week after the UK became the first country to approve it. https://t.co/HMac4kJcMH
— CNN (@CNN) December 8, 2020
Covid 19 vaccine cu nilak kaan, nikhiah nei in voihnih dawt ih dawt dingmi a si ih Siidawt zo pawl cu voihnihnak dawt sal dingmi hngilhlo dingin theihternak caphek fate an pek cih a si.
Tuṭum, UK ram ih hmaisabiknak Covid 19 vaccine tlangzarh mi cu doses 800,000 a si ih Siidawtnak an lam a tluang vivo a si le tukum December sung ah UK ram ah Covid 19 vaccine doses million 4 hrawng tlangzarhnak an nei tum a si.
Tu dinhmun ah UK ram ah Covid 19 mina 1.74 million an um zo ih, cumi ah minung 60,000 luan an thi a si.
