UK ram ah Covid 19 pianhmang thlengawmi Nathrik Thar an hmu

Tuhlan ai in zaṭek 70% suanawol Covid – 19 nathrik pianhmang thlengawmi cu UK ram ah hmuhsuah a si ruangah ralrin nakah ti`n a inn-hnen ram ṭhenkhat pawl cun UK ihsi an ram lut tummi Vanzam, Tlangleng, motor tvp pawl an kham thluh a si.

Canada, France, Germany, Israel, Iran, Colombia le Morocco ram pawl cun UK ihsi an ram lut ding mi Vanzam pawl cu nazi 48 (lole cuhnak ih tam) sung an kham/phit  ih Saudi Arabia ram cun ramdang ihsi an ram ih Vanzam lut lo dingin border ihsin a phit lawlaw.

Tuhlan ai ih suanawol Covid – 19 nathrik pianhmang thlengawmi hmuhsuah a si thu cu UK Prime Minister Boris Johnson in zarhte ni ah a phuang ih ramsung hmun ṭhenkhat khal ah tuhlan ai ih khoh sawnmi LockDown Daan thuthar a suah cih.

Covid 19 nathrik pianhmang thlengawmi cu Netherlands, Denmark, Belgium le Iceland ram pawl khalah hmuhsuah a rak si dah zo ih, a tu UK ram ah hmuhsuah a si bet ruangah karhzai sin lo dingin nasaten hmalaknak kan nei ṭul tiah UK ram mithiam pawl in an sim.

UK ram mithiam hrekkhat cun a tui` Covid 19 nathrik thar cu a hlan hnakin let 70 hrawngin a cak tiah thuthang an suah nan European Centre for Disease Prevention and Control pawlkom cun “tuhlan Covid 19 nathrik ai in suanawk a ol sawn nan tui dinhmun tiang ṭih/hmual a nung/ana sawn (deadly) timi khihhmuhding a um lo ih Vaccine in a neh lo timi khal khihhmuhding a um hrih lo” ti`n thuthang an suah a si.

Tudinhmun ah UK ram ah Covid 19 mina 2.4 million an um zo ih cumi ah minung 67,401 an thi a si.

Leave a Reply

Your email address will not be published. Required fields are marked *