UFO bawh dingin US Department of Defense in Pawlkom Thar A Din

US ramsung ih UFO (Unidentify Flying Object) an hmu ṭheu mi zingzoi dingin The Department of Defense in pawlkom thar a din thu, Pentagon nih offcial in a phuang.

Cuih pawlkom cu UAPTF (Unidentified Aerial Phenomena Task Force) tin hmin an pek ih U.S. ralkap pawl ih hmuhton ṭheu mi UFO pawl bawh dingin le zingzoi dingah Official in an din mi a si.

“UAPTF ih hnaṭuan ding cu U.S ram security hrang ih ṭih nung thei a si mi van par ih zuang UFO bawh in zirnak nei vivo ding an siih cuih an hmuhsuak mi pawl cu United States Department of Defense hnen ih report ding a si” tiah Pentagon ih ralbawi ṭuanvonei pakhat cun a sim.

U.S. Navy pilot pawl in UFO an hmu thei zet ih santhar vanzam cakbik an ti mi hmang khalin cuih UFO pawl cu an dawi ṭheu nan tui` ni tiang a man theitu an um hrih lo.

Tu kum April thla khal ah U.S. Navy pilot in UFO an dawi lai video an zuk mi cu Pentagon in offcial in a tlangzarh ih cuih video cun mipi a ti mangbang thluh.

Video sung ih an ṭong mi ahcun “drone a si khi, unau” tin mi pakhat in a ṭong ih a rualpa sawn in “Drone a bang lo, a rualrual in an um a bang. an zuangdan khi zoh aw la, thli hrang mi zuam in an zam hai a bang” ti`n a ṭong ih a rualpa in “a heraw ciamco khi” tin a ṭong.

Cuih video cu President Donald Trump khalin a zoh ih “a turu lawlaw si ko”. A taktak teh a si pei maw? ti`n Reuter hnen ah a sim tiah CNBC cun a tarlang.

Leave a Reply

Your email address will not be published. Required fields are marked *