UFC 261 ih Chris Weidman cangsualdan cu a rapthlak um tuk

UFC middleweight Champion hlun Chris Weidman cu April 25 (IST) ih tuahmi “UFC 261” ah cangsual in rapthlak zetin a ke kiak.

Aung La Nsang rak neh dahtu Uriah Hall thawn an sualaw ṭan seconds 17 hrawng ah a cangsual ih a vorhlam Ke a kiak mi a si.

A ke kiak dan cu an sual aw ṭan veten Chris Weidman in a vorh lam ke thawn a sit ih Uriah Hall cun a rak khamaw hran lo nan vansiat thlak zetin a Ke kiak cih. Hinah video zoh ……

Chris Weidman hi tuhlan kum 8 luan zo ah Anderson Silva thawn an sualaw ih nehnak co in UFC middleweight Champion a rak si dah.

Anderson Silva in a ngair sal ih voihnihnak an sualaw ṭum ah tuṭum ih a ke kiak dan vek ciah in a sualmi Anderson Silva a cangsual ih a Ke a rak kiak ve dah.
(Anderson Silva cangsualnak Video)

Hivek, cangsual Ke kiak hi UFC thuanthu ah voi 3 lawng a um. Cumi ah vansiat thlak zetin Chris Weidman cu voihnih rori a rak tel.

Chris Weidman cangsual thuthawn pehpar in Uriah Hall cun “poi ka ti zet. MMA khawvel sualawk nakih ka sung hmaisabik cu Chris Weidman thawn kan rak sualaw hmasaṭum ah a si. Amah hi ṭihnak timi ka lung sung ih thulut hmaisabiktu a si. Mi menmen a si lo ti ka thei ciang ih hivekin vansiat a tong cu poi ka ti zet. Dam lohli dingin duhsaknak ka hlan duh” a ti.

Chris Weidman cangsualnak hin UFC ah record thar a ti suak. Cumicu, “Sualaw nakah voikhat hman cangvai loih nehnak cotu” ti a siih Uriah Hall cangvaiman hlan ah Chris Weidman a cangsual ruangah cuih UFC record thar cu Uriah Hall in a co.

Leave a Reply

Your email address will not be published. Required fields are marked *