U.S. President cuhtu Taylor Swift?

Rapper Kanye West in U.S. president sidingin a cuh tumve thu a phuang veten hlasak thiam hminthang Taylor Swift, ih fans pawl cun an ngaisang zetmi Taylor Swift khal U.S. president sidingin cuh ve seh tiin online ah an au pi.

2009 ih MTV Video Music Awards ngahtu Taylor Swift in lungawithu a sim rero lai ah Kanye West in a mic lawng sakin Beyonce in lawmman ngah a phu sawn zia a sim ṭum ihsin Kanye le Taylor karlakah hmuaw thiamlonak a suak thok ih, cumi ni ihsin Taylor fans pawl cun Kanye an mitkem thok.

Taylor fans pawl cun cui` ni ihsin Kanye umdaan an zoh thup ringring ih, tui`ṭum, 2020 U.S. president ka cuh veding tiih a phuan veten Taylor fans pawl cun an ral Kanye hman president a cuhtum ahcun a nih hnakih nunnem mifel Taylor in president cuh a tlak sawn zia aupi in President cuhawknak ih telve dingin an aupi a si.

Asinan, U.S. president siding cun kum 35 tal si a ṭul ruangah Kum 30 lawng silaimi Taylor swift hrang ah ruahsanding a um lo a si.

Taylor fans pawl ih ca thlah mi hrekkhat …..

Taylor fans pawl cun Taylor Swift in president ṭuan sehla Selena Gomez in vice president ṭuanseh tikhalin an aupi a si.

ref:Billboard

Leave a Reply

Your email address will not be published. Required fields are marked *