U.S. Mayor 11 pawl in Paisa fai in ramsung mipi Bawmduh Hminkhennak nei

Los Angeles le Atlanta telin U.S. Mayor (khawlipi bawi/uktu) 11 pawl cun Covid – 19 ruangih ṭuan ding umlo, paisa laklut nakding umlo le ramsung buainak ruangih harsatuar mipi pawl paisa fai in bawmnak pek an duh thu an phuang a si.

1960 lai ih Martin Luther policy vekin America mipi harsatnak cu “guaranteed income plan” thawn sual in, ramsung mipi in nitin an ṭul heimi tuah thei dingih bawmnak an duh thu an simmi a si.

“Ṭih ding umlo. Himi hin kan ram a siatsuah lo ding. ramsung ih kan hnaṭuandaan pawl khal a thleng danglam cuang lo ding. Rampi inticak sawn ding” tiin California, Stockton mayor Michael Tubbs cun a sim.

A nih hi 2019 kum thok lam ih guaranteed income experiment neinak thoktu a si ih khawsung inn 125 pawl hnen ah thla 1 ah $500 bawmnak rak pektu a si.

American mipi bawmnakding “Mayors for Guaranteed Income” ah Mayor 11 in hminkhennak an nei zoih, hminkhennak ih telve khua pawl cu St Paul, Minnesota; Jackson, Mississippi; Newark, New Jersey; Oakland and Compton, California; Shreveport, Louisiana; Columbia, South Carolina; and Tacoma, Washington pawl an si.

Paisa ziangzet an pek ding, zo pawl in an ngah ding, ziang tikah an pek ding, innsungsang zawng in maw bulpak in an pek ding tvp theih a si hrih loih an tumtahmi tuahsuak thei dingin hna an ṭuan rero lai a si.

ref:TheGuardian,BInside

Leave a Reply

Your email address will not be published. Required fields are marked *