U P palik in Congress party hruaitu Rahul Gandhi an kai

Congress party hruaitu Rahul Gandhi le party sungtel ṭhenkhat cu mibur pawngsualnak ruang ih thi, kum 19 nute`i inn ih feh tum lai cu Uttar Pradesh palik in an kham ih ti aw thiam lo in an buai hnu ah camkhat sung an kai lawk.

India, Hathras district ih um kum 19 nute cu September 14 ah an inn kiang hmunrawn ah misual 4 in an pawng sual ih tak lawng in an tan ta.

A sungte pawl nih an va hmusuak ahcun thi le hnai thawn a rak um ih cang thei lo, zaangruh kiak le a Lei at tlek cia in an va hmu. Sizung lam ah an tuamhlawm nan a nat tuar lo in September 29, tlawngkai nihnih ah a thi.

Pawngsualtu mi pali cu kaihkhih an si zo nan, numi kil him thei lo cozahpi ti`n au phah in Hathras district mipi cun cozah par ih lungawilonak lang ter in duhphorhnak an nei ih an buai nasatuk ruangah mipi ṭhek darh ṭheh dingin UP cozah in mibur 4 bak um tlang lo dingin thu a suah ih hmuntinkim ah palik in an kil ṭhepṭhep.

Culai fangah Congress party hruaitu Rahul Gandhi le ho pawl cu siat tong tei` innsang va hnem dingin le thazang pek dingin an va pan lai fang ah palik in lamziin an kham.

BJP party lal nak, U P ih palik pawl cun rampi hrang ih mi thupi, BJP party ral Congress hruaitu Rahul Gandhi a si ti thei cing in an kham thotho ih an nam aw ciamco ruangah Rahul Gandhi cu lei par ah a tluk.

UP palik cun mibur 4 bak um tlang lo ding ti ih Cozah thu suah mi thlun in kan cangvai mi a si an ti ih Rahul Gandhi le a unau nu Priyanka Gandhi cu an kai lawk ih hmun dang ah an hruai tiah TOI cun a ngan.

An buai lai video um nan Facebook lam in rem an ti lo ruangah a link sawn in kan ret. Na zoh duh le hinah hmet Rahul Gandhi

Leave a Reply

Your email address will not be published. Required fields are marked *

error: hahahahahaha !!