Turkey : Linghnin hnu Nikhat le nazi 10 rei hnu ah Inn cim lak ihsin kum 70 mi runsuak

7.0 magnitude thacak linghninnak ruangih inn cim mi lak ihsin Turkey ram ih mibom` hnaṭuan pawl cun kum 70 mi Ahmet Citim an runsuak.

30 October, Samos tikulh kiang ih 7.0 magnitude thacak Linghnihnak a suak hnu, nikhat le nazi 10 rei hnu ah Izmir khua ih inn cim lak ihsin kum 70 mi Ahmet Citim cu an runsuak ih sizung lam ah tuamhlawm ding in an phur cih.

Tlawngkai ninga ih 7.0 magnitude thacak Linghnin cun Greece le Turkey ram ah siatralnak a thleng ter ih minung 51 thi in, hliamhmatuar 900 luan an um.

Abikin Turkey ram ih khua tumbik pathumnak a si mi Izmir khua a khawng na cuang ih thi le hlo khal hi hmun ah an tam bik.

Innpi 20 lenglo a cim mi lak ah mibawm hnaṭuan Thawngtel in mihlo le mithi ruak an hawl ih inzuat rannung khal tamzet an runsuak zo a si.

Linghninnak nazi 18 rei hnu, zarhteni khal ah inn cim lak ihsin nufa 3 te an runsuak zo ih an runsuak mi nauhak pakhat cu a nat tuar lo in Siizung ah a thi.

October 30, 11:51 GMT hrawng ih 7.0 magnitude thacak linghninnak a suak hnu ah aftershock voi 850 a hnin bet zo ih voi 40 a hnin bet mi cu 4.0 magnitude tha cak a si ti`n Turkey disaster and emergency agency AFAD in tlangthannak an nei.

Turkey ram cu ‘fault line’ tiih kawh mi Lungkak zawn ih um mi ram a si ruangah Ling a hnin duh zet ih, 1999 kum ih voihnih thacak zet mi Linghnin ṭum ah minung 18,000 lenglo an thi dah zo a si.

ref:TheGuardian

Leave a Reply

Your email address will not be published. Required fields are marked *