Tulai, Twitter ih lar Zuk polawnak : Hram/Hnah ro lak ah RUL a um, na hmu thei maw?

Social media ah “na mit ṭha maw ṭha lo check sin aw” ti`n zuk sung ih thil hmuh har zet, lang cuca lemlo mi zuk polawnak kan hmu ṭheu cio ding.

Olsamten hmu loh li theitu an um vekin simfiang cing khal ih hmu thei cuang lo tu an um ve lala. Mit ṭha le ṭha lo ruangah khal a si ve ko nan, hivek zuk polawnak hmu thei hrimhrim an um.

Hnah ro lak ah RUL a um, na hmu thei maw?

Ph.D. zir suak le rul cungcang zir rero lai ka si tiawtu @SssnakeySci timi twitter account hmang tu ih zuk post mi cun mi mit a kalh/a vaivuan ter thluh.

2017 kum ih a post mi si nan kan dung zarh ah twitter ah a lar ciamco sal ih a share sawngtu an tamzet.

Asile, nang teh Hnah ro lak ah RUL na hmu lohli thei maw?

Mi pakhat cun RUL a um lo nak sawn ah a hmu….?

Hmusuak lohli a har zet ih zuk post tu @SssnakeySci cun “Copperheads timi rul phunkhat a si. A ṭur ṭihnung zet ih leilung rong khal an um tik ah hram ro lak tivek ih an tlangleng lai fang hmuh a har zet. Himivek rul hawl ih ka vak cingin hram ro lak ih rak um mi cu ka pal ngah zik te. Himi rul phun in a lo cuk pang le zamrang thei tawk in siizung pan lohli aw. A ṭur kha na kaa in zuuk pang hrimhrim hlah” a ti.

Leave a Reply

Your email address will not be published. Required fields are marked *