Tuizing, Indonesia ih Linghninlai Video Lawrkhawm

Indonesia : Flores tikulh, Maumere khuasaklam peng 69 (112 km) hlatnak hrawngah a thuklam peng 11 ihsin 7.3-magnitude thacak linghninnak a suak.

Zinglam nazi 10:20 (local) hrawngah a siih Linghninnak ihsin 1,000 kilometers huap tiang tsunami likik a tho thei tiah US hrambun Pacific Tsunami Warning Center in thu an suah.

Asinan, neta hnu ah tsunami darkhing cu an ti tawp saal tiah Indonesia’s Meteorological, Climatological, and Geophysical Agency ih ṭuanvonei Dwikorita Karnawati in a rel.

Amahcun Linghninnak a suak hnu, a hnungzul voi 15 hrawng a hnin bet tiah a rel ih “thacakbik cu 5.6 magnitude a si. Linghninnak naivai ih umtu pawl cu seconds 10 hnak ih rei linghnin fate a suak bet cun hmunsang ah kai lohli uh tin`n ralrin kan pe a ti.

Linghninnak ruangih hriamtuar hnihkhat cu an um nan mithi an um lo tiah theih a si.

Indonesia ram hi “Ring of Fire” tiih kohmi Linghnin tamcuangnak le Meisatlang nung cangvai cuangnak hmunram ih tomi a si ruangah Japan ram vekin Linghninnak a suak thei zet.

Kum 1992, December ah 7.8 magnitude thacak linghninnak ruangih tsunami likik thomi cun Flores tikulh a khuh ih, cuih ṭum ah minung 2,000 luan an thi a si.

Leave a Reply

Your email address will not be published. Required fields are marked *