Tuhnu kum 30 sung ih US ramsung tilik nakding hmun pawl Official in update

Brooklyn hrambun First Street Foundation pawlkom cun leitlun boruak thlengawknak ruangih US ramsung, tilik theinak hmun pawl zingzoinak a neiih, cuih zingzoinak ih hmuhsuahmi cu American mipi zoh thei dingin online ah a thlah a si.

US ramsung ih tilian theinak hmun pawl cu US cozah Federal Emergency Management Agency in mipi hnen ah a simthei ṭheu nan, tuih First Street foundation pawl ih hmuhsuahmi cu Federal Emergency Management Agency ih hmuhsuahmi hnakih zaṭek 70 in a tum/kau sawn a si.

First Street Foundation ṭuanvonei pakhat cun, “ruahsur tiliknak ruangah US ramsung ih inn le lo tamzet a siat zo. Federal Emergency Management Agency in a ra lai ding tikcucaan ih tilik thei dinhmun ih um, inn pawl cu mipi hmu thei dingin Map ah a update ṭheu.”

“Asinan, researchers le scientist pawl ih laakmi data zoh in kum 1 luan zingzoinak kan nei tikah US cozah ih phung mi hnak ih let tamzet a besia timi kan hmu suak.”

“Tuhlan kum 10 sungah US ram tilik ruangih inn le lo siat mi man cu $155 billion a kim. US cozah FEMA in tilik theinak hmun map a nei ih tiliknak a suak ngaingai tikah FEMA simmi hnak ih tam inn le lo a siat ringring.

Zingzoinak kan nei mi data kan zoh a si le US ramsung hmun zaṭek 98% in tilik harsatnak an tuar timi kan hmu thei. Curuangah tuhnu kum 30 sung ih tilik thei dinhmun a si mi inn le lo pawl cu website ah kan update a si” tiin a sim.

Tuhnu kum 30 suangah kawinah hmun pawl ah tilik a um ding timi zoh theinak link cu tanglam ah kan ret. Na umnak inn, tilik thei dinhmun a si maw timi na zoh duh le link kan ret mi hmet aw la, na umnak inn address ngan aw.

Na umnak inn a tle maw tello timi na zoh duh le hinah hmet “FLOOD FACTOR

ref:Nola, Vice, floodfactor

Leave a Reply

Your email address will not be published. Required fields are marked *