Trump Tower, CIA le FBI zung ah Bomb puah tum tiih rinhlehmi mipahnih an kai

ISIS hmin pu in New York ih Trump Tower innpi le US cozah inn pawl bomb puah tumtu tiih puh mi mipahnih cu FBI in an kai.

An kaih mi cu San Antonio, Texas ih um Jaylyn Christopher Molina le South Carolina ih um Kristopher Sean Matthews (kum 34) an siih, tumtah mi an tuah suak man hlan ah online ih an biakawnak pawl cu FBI in a hmusuak thluh ruangih kaih tuar an si.

Message chat awnak le ISIS sunlawih nak zuk le ca, online ih thlah mi pawl cu US thuṭhenzung ah up thluh a siih ca sung ahcun “Syria ram ah feh in ISIS lut tum dan ngaihtuahnak ca, ISIS ralhrang pawl ih mithat lai zuk, AK-47 kah zir dan” tvk a tel tiah FoxNews cun a phuang.

Kristopher Sean Matthews (kum 34)

Cuhleiah “CIA headquater, FBI le DEA zung buaipi sehla ṭha ding tiih ca an kuatawmi khal phorhsuah a siih ‘kan cangvai fuh ahcun Netflix ih suah tlak mi thuanthu zuknung ah kan cang leh thei men” tikhalin ca an kuat aw tiah FoxNews cun a ngan.

Tuah, ISIS ṭanpitu tiih puh tuar Christopher Molina le Sean Matthews cu palik kut sungah an um hrih ih an mawhnak hmuhsuah a si le kum 20 fingfing thawngtlak thei dinhmun an si.

Leave a Reply

Your email address will not be published. Required fields are marked *