Tom Cruise, NASA le Elon Musk ṭang khawm in Boruak par ah Film zuk tum

Tom Cruise, NASA le SpaceX founder Elon Musk ṭang khawm in boruak par ah Film an zuk ding ti`n tu kum thok lam ih thuthang um mi cu, 21 September 2020 ah Space Shuttle Almanac twitter account thawn namhngetnak ca an thlah.

Thuhla dang cu an tar hran lo nan 2021 kum sungih boruak par ih spacecraft thlah ding mi zuk, ram hmin, a to tuding hmin pawl an tarlang ih, October 21 ih thlah ding mi SpaceX Crew Dragon totuding hmin pawl lakah Tom Cruise le Hollywood Director hminthang Doug Liman hmin khal a tel ve.

Twitter ih thlah mi zuk ahcun SpaceX Crew Dragon totuding cu SpaceX Pilot, Tourist 1 ah Tom Cruise, Tourist 2 ah Doug Liman (director) ti`n zuk par ah an ngan ih Tourist 3, mi pakhat hmin cu an ngan tel lo.

21 October 2021 ih zam ding mi SpaceX Crew Dragon cu kanumnak leilungpi thawn peng 253 hrawng hlatnak ih um International Space Station ah a feh dingih cuih hmun ah a remcang dan in Film an zuk ding.

Film zuk ding cu Universal Picture in a tawlrel tum ti`n July thla ah thuthang a suak dah ih an zuk ding mi cu $200 million budget hrawng a si ding tiah Hollywood Deadline media in a tarlang.

Leave a Reply

Your email address will not be published. Required fields are marked *