Tleuser thawn lek ruangah nauhak pakhat a thi
Chin khawlipi tikhalih koh mi US ram, Indiana ah kum 11 mi Tleuser thawn a lek ruangah July 3 zaan ah a thi.
Camrynn Ray McMichael tiih kohmi kum 11 mi cu tleuser thawn a lek ih zaan nazi 10 kim zik hrawngah hriam tuar in siizung an panpi lai ah a nunnak a cem ti`n a nu in ABC hnen ah a sim.
“Zarhpizaan ah kan fahniang Camrynn in in thih san. Tleuser thawn a lek ih hriam a tuar hnu, mitṭhepkar ah a thi.”
“Amahhi thil a tuah mi tinkim ah teima zet a si. Nau le duhdawt thiam a si ih football, basketball le soccer lek peih zet a si. In cem san cu tuar thiam a har ih zum khal a um lo lam” tiah a nu cun a ti.
A ruak cu an ret ṭha hrih ih Tlawngkai nihnih ah zohfelnak autopsy an tuah tum.
An 11-year-old Indiana boy died from a fireworks injury on the night before the Fourth of July, authorities say. https://t.co/71yvbL97gZ
— ABC News (@ABC) July 4, 2022
July 4 hi US Independence Day nipi a si ih cuih ni ah Tleuser tampi an kap ṭheu. Rampumhuap in sunglawi zetin hman ṭheu a si ih cangsualnak khal a tam thei zet.
Consumer Product Safety Commission record ih ngankhum mivek a si le US ram ah kan dung kum tuvek tikcucaan ah tleuser ruangah mi 9 an thi ih, kum hmasa ah mi 26 an thi.
US ram ah kan dung kum sung lawngah Tleuser thawn pehparin emergency in siizung luhpiṭul mipum 11,500 lenglo an um a si.
