Tlawng kai tlang Tong aw saal Rualvah Hnih tei` Video cun Mipi Lungthin a Tham

Judge Ruth Bader mual liam hnu, a aiawhtu zo si ding ti`n US mipi in cuan phah ih titi nakah 2015 ih thil thleng Video pakhat a lar ciamco sal.

Mindy Glazer vek lungput ṭha Thuṭhentu kan ṭul ti`n US mipi in au pi

Mi inn siatsuah le palik tlan hlo san ruangih kaih tuar Arthur Booth (kum 49) cu sual a tuah mi par ah thuṭhensak dingin Judge hmai ah a ding.

Judge Mindy Glazer in a ṭul mi hmuahhmuah a sim ṭheh hnu, Arthur Booth a suak zik ciah ah “malten thu pakhat ka lo sut ta duh” a ti ih “Nautilus for middle school ah Tlawng na kai dah maw” ti`n a sut.

Authur Booth in a hmel a vun zoh ciang cu Nautilus for middle school ih Tlawng kai khat, a rualpi Mindy Glazer a si timi a hmu suak. A Tlawngkaipi rualṭha hmusuaksal mangbang tukah “Oh, my goodness” a ti. An sinak tan aw zia ruat in le a sual tuah mi pawl sir aw in awsuak rorin a ṭap.

Judge Mindy Glazer cun, “hivek dinhmun ih kan hmuhaw sal hi poi ka ti zet. Ziang na cang si pei ti`n ka lo ruat ṭheu” a ti.

Thuṭhenzung innpi ih mipi pawl zoh phah in “rak ngai uh. Hi pa hi Tlawng kan kai lai ih mi fel, tawk bik a si. Amah le rualpi pawl thawn bawlung khal kan lek tlang ringring. Tu ah, hivek dinhmun ih vun tongaw sal cu poi ka ti zet” a ti.

Arthur Booth hi a nauhak lai in ca thiam zet a si. Math le Science a thaim hleice ih neuro-surgeon si ding in tumtahnak tumpi nei ih tlawng kai a si. Asinan rualpi kom sual ruangah sual ziin thlun in tuvek dinhmun a thleng nak a si.

Judge Mindy Glazer cun “na lam tluang hram seh la a tikcu kim ih na suak sal tik le a dik mi lamziin na zawh sal thei ka bei sei” a ti.

Hih video a lar nak cu Judge Mindy Glazer awkam thlum in Arthur Booth lung kuai terin a nuncan a thlengter thei ruangah a si.

Thla 10 rei hnu, Arthur Booth Thawnginn in a suak ni ah Junge Mindy Glazer in a hmun rorin a va hmuak ve ih thazang peknak a nei. Authur Booth cun lungzur phah in “nang mah in ka nun i thleng. Kaa ih sim cawk lo lungawinak ka nei. Na ṭong mi cing ringring in lamziin dik thlun ka tum ding” a ti.

Nangteh Authur Booth dinhmun ah um bang aw la ziangtin na um ding?

An tongaw saal nak Video zoh aw …..

Leave a Reply

Your email address will not be published. Required fields are marked *