Tlavang in Deh tum in minute 6 sung a thlun

US : Utah, Slate Canyon ih Tlaang kai Kyle Burgess cu rapthlak zet in minute 6 sung Tlavang in a thlun.

October 10 ih thilthleng a siih Tlavang in a thlun lai video a zuk mi cu Instagram ah a thlah ih “Ka thi ding ah ka ruat” ti`n a ngan.

A fehnak ziin ah Tlavang fate a hmu ih video a zuk thok hnu in a Pinu in a thlun thok.

Kyle Burgess cun “a nu in i hmu ih a lungawilo” a ti ih naum teten dung ah a sip vivo.

Tlavang cun a Ho le Tin suah in a thlun vivo ih “Thih ka man hrih lo”, “na fa le hnen ah va kir sal aw” ti`n le aw phunphun thawn Kyle Burgess in a hro rero nan Tlavang cun a thlun vivo thotho ih voi tamzet a zon tum.

Minute 6 a thlun hnu ah Tlavang cu a fate umnak lam ah a kir sal.

 

View this post on Instagram

 

sorry, not sorry for the language. I thought I was done for! Slate Canyon 10-10-20 around 17:00 **All news contact carlin@tmx.news** for licensing

A post shared by kyle Burgess (@kunkyle) on Oct 11, 2020 at 7:20am PDT

NBC News in thusutnak an nei mi ah “I tuahmawh ding ah ka ruat. Ka thin phang tuk rori si ko” tiah Kyle Burgess in a ti.