Tipi ih hnawm hlonmi cu Cyclone tauktae in Mumbai khuasung ah deng lut sal

India hi leitlun ram bawrhhlawh 3 nak ih tel ban a si ih Siipin lam in Dun le Daan an nei ve nan mipi sawn in thlun lo ṭheu in an duhduh ah hnawm an hlon ṭheu.

Duhdah zetin hnawm an hlon mi cu tipi lam ah a luanglut ṭheh ih Thlipi hrang in ti alik tikah khuasung ah a deng lut sal ṭheu.

May 17/18 ah Cyclone Tauktae in Mumbai khua ṭhen a hrut ih thilsia le tilik cun tipi sung ih hnawmhne tamzet cu khuasung ah a deng lut sal.

Thianfainak ṭuanvo latu Civic solid waste management labourers ih tarlang mivek a si le tipikap hmun 7 ih hnawmhne an sar mi cu kg 62,010 a kim.
Cumicu May 15 ih hnawm sar mi ai in zaṭek 87 tam a si tiah an tarlang.

Ṭuanvonei mipakhat cun “thlisia hrandan ihzir tla a si ding. Hmun ṭhenkhat ah a tamcuang ih a mal cuang nak khal a um. Hivek dinhmun dinhmun thlenglo ding cun khuasung Lihawng hi khuh thluh an ṭul ding. Lihawng tamsawn cu khuh lomi an si tikah lamziin ih hnawmhne pawl cu Lihawng in tipi ah a fen thluh” a ti.

Cyclone tauktae cu Arabian tipithuanthum in a suak thok ih Maharashtra state, Mumbai ṭhen hrut phah in Gujarat lam ah a tawp. Himi thlisia hin western Gujarat state ah amalbik minung 40 a that. Mihlo khal an tam ih cozah lam in atu khalah mihlo an hawl rerolai a si.

Leave a Reply

Your email address will not be published. Required fields are marked *