Tilik, Leimin ruangah Mipum 16 an thi zo ih Minung 23 an hlo

Indonesia, Sulawesi tikulh ih tiiLian, Leimin ruangah mipum 16 an thi ih mipum 23 an hlo hleiah mipi zateel ih Inn le Lo a siatsuah a si.

Ruahceennak ruangah North Luwu kiangkap ih tipi 3 a lain ih subdistrict 6 sungta mipum 4000 luan ih umnak pawl a khawng ban a si.

National Disaster Mitigation Agency ih ṭuanvonei Raditya Jati cun, “North Luwu district ih hmanbikmi ziinpi pawl cu ciarbeek in a khuh ṭheh ruangah, harsatuar pawl kan bawm thei lo. National Search and Rescue Agency report mi vek a si le mipum 16 an thi zo ih minung 23 an hlo” tiah a sim.

Ruah ceen, Leimin ruangah hmun tamzet ah ciarbeek a khat thluh ih local vanzam tlaannak lamziin pawl khal, tidai, ciarbeek le hnawmbal in a khuh thluh.

Indonesia ram cu Fuur caan ah tiilian in lei a min thei zet ih hramlak thinkung an hau tamtuk ruangah a kum kum in a luar sinsin.

Tu kum January thla khal ah ruahceen, leiminnak ruangah mipum 66 an thi zo a si.

ref:WNews

Leave a Reply

Your email address will not be published. Required fields are marked *