Tidai bal in ruangah Minung 300 lenglo Zato inn An Thleng

China ram ah tidai bal in ruangih suakmi taksa le santen a leng ih minung 500 lenglo cu damlo in an um tiah China media cun a tarlang.

Shanghai thawn 550 km hlatnak Baoyi khua ih um mipi ṭhenkhat pawl cu bacteria ṭihnung telmi tidai an in ruangah kan dung zarh lam in an dam lo thok ih tu khal ah an suanaw vivo.

People Daily media ṭuanvo nei pakhat cun, “Shigella timi bacteria telmi tidai an in ruangah sungdok, santen, taksa a leng ih khuasung mipi 300 lenglo cu sizung ah zohawter dingin a tlar in an hngak’ tiah a sim ih “mina tamsawn cu nauhak le kum upa lam an si” a ti. “Santen suakter Bacteria rungah tidai an laknak hmunpi khal an phit ṭheh ih in-ti a har zet” tiah a sim.

China ram hi, in-ti ah an buai thei zet ih company suah mi tidai bottle lei thei lo cin cun ti sohthat an in.

Milian umtamnak khua pawl khal ah tidai a bal thotho ih in-ti ṭha suak thei dingin China’s Ministry of Water Resources in July thla sungah 256 million a hmangsuak zo a si.

Leave a Reply

Your email address will not be published. Required fields are marked *