Thuṭhen zung ih Hni ring tuk ruangah Thawng an Thlak (VIDEO)

Thuṭhen zung sungih hnih ringtuk ruangah U.S. ram mi Donna cu zaan khat thawng an thlak.

A fanu Amanda Kosal (kum 25) nih, zuri in motor a mawng ih motor dang thawn sutaw in Innsang nei zo Jerome Zirker (kum 31) a thi.

Cuih thuhla ruangah thuṭhen zung ah thusutnak an nei ih, mithi te sungkua lam in pa an nei nawnlo a harzia an sim rero lai ah Donna cu a rak hni ciamco.

Thuṭhentu Lillard in hnithawm a theih veten thu an sim lai cu a cawl ter ih “Zirker nau nu in a uu thi ruangih an tuar zia, an ninghan zia a sim rero lai ah mi aa bangin na rak hni men.”

“Mi in an tuar mi harsatnak riahsia zetin an sim rero lai ah tuarpi lam sawn lo in na rak hni men. Curuangah nang khal na feh ve thei. Thawnginn ah na lut ve thei. Tuah feh aw” ti`n thawnginn ah khum dingin palik a fial ih “Duun le Daan thlun mi thuṭhen zung ah na duhduh in na um. Thuṭhen lai na hnaihnok ih ziang siar lo in na um. Curuangah Wayne County Jail ah ni 93 thawngthlak na si” a tiih palik pawl in an hruai hlo.

A thaisun tlawngkai ningan ni ah Donna in thuṭhentu Lillard hnen ah ngaithiam a dilsal ruangah zaan khat lawng thawng an thlak ih an thlah sal.

Hih thilthleng cu 2017 kum ta a siih tukum July thla ah a thar in Youtube ah an thlahsal mi a si.

Ram cangkang ih nuntu khawsakdaan kan theithiam theinak dingih ngan mi a siih an buai lai video rak zoh ve aw…..

Leave a Reply

Your email address will not be published. Required fields are marked *