Thinphan umzet Russia Tank ciilnuai tuar lai

Ukraine, Kyiv khawpi lam pantu Russia tank pawl Lamlak ihsin ciilnuai an tuar lai, Drone vanzam thawn zuk mi video cu online ah thlah darh a si ih raldo thutheideuh pawl cun zukkhumcin Leitlun doawknak santhuanthu ih “Ambush” turubik a si ding tiah an sim.

(Youtube Video – Tuksumdeuh ruangah nauhak zoh theih lo dingih tuahmi a si ih na zoh duh le na sign-in ṭul men thei)

(Hinah Facebook ih tarsawngmi Video)

Tarlangmi video cu Ukraine armed forces ih thlah mi a si ih relh nak hmunhma remcanglo cingin Russia Tank an kap darh thei cu mipi an mangbang zet ih “ram le miphun hrang an ralṭhat zia hi” ti`n Ukraine ralkap pawl fak an hlawh zet.

Video minute 1 le second 15 hrawng ih a lang mi kahawknak cu fiangten kan zoh a si le Ukraine ralkap pakhat in an lam hoih ih kap tumtu tank pakhat cu hmun le hmun rorin rocket thawn a kap mi kan hmu thei. Abikin nunnak thaapin hmun le hmun rorin Russia tank kapngamtu Ukraine ralkap cu mipi in an fak hlei ce.

Video ih lang cin ah Russia tank le raldo mawṭaw tlarpi cu an darh thluh ih dunglam ih a tang hrih mi mawṭaw le tank pawl khal hmai an nor ngam lo.

Hih doawknak ah mi ziangzat an thi ti cu tarlang a si lo.

Tanglam ah Video pakhat zoh bet ………..

Tarlangmi video khal hi Kyiv khawpi pantu Russia ralkap pawl an si tiah tarlang a si ih ciilnuai tuar Russia ralkap mithi an tam hlei ah rank sang Russia ralbawi Col Andrei Zakharov a thi ve ti`n Ukraine media ah report a um.

Leave a Reply

Your email address will not be published. Required fields are marked *