Thailand ram ih Lut thup, Myanmar ram mi Minung 11 an kaai, Pahnih Dam Lo

Myanmar ram mi minung 11 pawl cu Thailand ram ah daan loin an lut ruangah kaihkhih an tuar tiah thei a si.

Tak Province lam pan in Thailand ram ah an lut mi a si ih Moei tivapi an kaan veten Thailand ramri kiltu Mae Sot security task force in an kaai cih.

Mae Sot district chief Chaiyapruek Chianthanrak cun, “Tubaite khal ah daan lo in kan ramsung lut tumtu Myanmar ram mi kan kai zo.”

“Myanmar ram mi minung 3 cu Lawng thawn Moei tivapi an tan ih kan ram an luh veten kan kaai cih. Cuhnu ah Thai-Myanmar Friendship lilawn kiang ih inn pi ah mirelh an um timi thuthang kan dong bet ih kan va kai cih” tiah Tak Province local media hnen ah a sim.

An kai mi cu mipa 5, numi 6 an siih, an lak ih minung 2 cu taksa in an dam lo ruangah Mae Sot siizungpi ah an kuat cih.

Tufangcu Myanmar ramsung ah Covid 19 pulhnat a karhzai caktuk ruangah Thailand ram cozah in nasaten ramri an kilter ih Myanmar-Thailand ramri lilawn į¹­henkhat pawl khal an phitter tiah theih a si.

ref:BKpost

Leave a Reply

Your email address will not be published. Required fields are marked *