TB nat rim theithiam in Leiphum Bomb hawl thiam Zinghnam danglam

Asangbikmi Rannung sunlawih upatnak medal ngahzotu Afircan zinghnam tum Magawa cu Cambodia ram ih Leiphum bomb hawltu ah an hmang ṭangkai zet.

A hnar fim ruangah le zuanzaang khulrang ruangah a hlan ih an hmang mi sunlawih upatnak medal ngahvetu Ui fim le rannung dang hnak in Leiphum bomb a hawl hlawhtling sawn.

A zuanzaang le a hnar fim ruangah Leiphum bomb hawl thiam pawl ih nili sung hawl ṭul mi tennis court tia hmunram cu minute 30 sungah a hawl ṭhehsuak thei.

Magawa unau zinghnam dang pawl khal Tanzania ih nonprofit APOPO pawlkom ah minung hrang ih ṭihnung zet mi TB natnak rim theithiam dingin an zirh rero lai.

APOPO pawlkom ih simvek a si le cuih zinghman pawl cun atufang ram thangso rero lai pawl ih hman mi standard TB check dan hnak ih rang in hna an ṭuan thei ti a si ih an hmuhsuah mi khal rin a tlak sawn ti a si.

“TB nat check ding sample tamzet lak ihsin a positive mi 100 cu minute 20 sungah an hmusuak thei. Lab technician pawl cun cuzet hmuhsuahding cun ni li tal an rei ṭheu” tiah APOPO training and research ṭuanvonei Cindy Fast in a sim ih “clinic ih zoh hran ṭul lo in olsamten hna an ṭuan thei” a ti.

Hnar fim Afircan zinghnam pawl cu Daan lo ih an phur ṭheu mi rannung mankhung rim thei ding in an zirh ih Linghnin inn/thilri siat lak ih minung runsuak ṭul mi rim theithaim ding khal in an zirh cih a si.

Leave a Reply

Your email address will not be published. Required fields are marked *

error: hahahahahaha !!