Tawlawng zuk kuat ruangah Ex-Miss Kentucky kum 2 thawng an thlak

Tlawngta nauhak hnen ih taksa hiarnak suakterthei, sexy zuk kuat ruangah Miss Kentucky sidahtu lailaktlawng zirhtu Ramsey BethAnn Bearse cu kum 2 thawng tlak dingin thuṭhenzung in thu an ṭhen sak.

Kum 2018 August le October karlak ah a tlawngta hnen ah Snapchat hmangin tawlawng zuk a kuat ruangah kum 2 thawng an thlaknak a si. Cuhleiah thawnginn in a suak hnu khalah kum 10 sung a umdan an thlingthla ringring dingih kum khua in sex offender sinak khal an orhter ding a si.

Tuhlan zingzoinak an nei lai ahcun “ka pasal ka kuat hmang ka ti ih ka tlawngta hnen ah ka kuat ngah pang. Cuhnu ah kuatsaal dingin in ngen ih elsiang loin a lungawinak dingah ka kuat bet sal” a ti.

Zuk an kuatawmi cu tlawngta pa` nu le pa in an hmu ih palik hnen ah an report. Palik lam in caan reizet zingzoinak an nei hnu, kandung tlawngkai nihnih ah Ramsey BethAnn Bearse in “kei mai` thiamlo a si. Ka tuah mi parah kei mah in ka tuar ding a si” a tiih, thu an rel saknak Kanawha County Circuit Court nih kum 2 sung thawngthlak dingin thu a ṭhen a si.

Ramsey BethAnn Bearse (kum 29) cu 2014 ah Miss America pageant zuamnak ih tel dingin Kentucky ramkulh aiawhtu dingih Miss rak hril dah mi a si.

ref:huffpost

Leave a Reply

Your email address will not be published. Required fields are marked *