Tawkua sung ih Sui thun thup tu Kerala Airport ah an kai

Dubai to Inida GoAir vanzam totu mipakhat hnen ihsin Air Intelligence Unit in Kyat ting 700 luan man, Sui tluan an kai.

Dubai ihsin Indai ram a lut hnu, Kerala airport sung ih a feh dan ciangkuang lo ruangah rinhlel in an check cu a taw ihsin a thun mi Kg 1 kimzik Sui pawl cu Scanner sung ah a lang thluh.

A pum sung ta an phorh sal cu 972 grams(Kg 1 kimzik) hrawng a rit ruangah a phur har danding ruat in AIU ṭuanvonei pawl khal an mangbang thluh.

Sui cu taw ih tlem dingin a tluansau pathum a tawi pakhat tin an tuah mi a siih India ramsung ih an phurlut dan a danglam tuk ruang ah AIU in Sui zuk tel in Official in online ah an thlah.

Cuih vanzam tovetu mipakhat hnen khal in 1.47kg rit mi Sui an kai nan a phur dan cu an ngan tel lo.

Sui phur hi daan kalh a si lo nan Sui man zaṭek 18% siah pek a ṭul ruangah a thup le thiar in an phur ṭheu. Man nei a siih a man zaṭek 18% cu a tam tham ve ruangah ṭihnung cing in a phur hlawhawtu an tamzet. (Twitter)

Leave a Reply

Your email address will not be published. Required fields are marked *