Tawkua Ṭial ih zir in a Totu theithiam thei Smart Toilet an tuah

Stanford University ih scientist pawl in minung hriselnak thei thiam mi smart toilet danglam zet an tuah suak.

Cumi toilet cun a totu taw ṭial ih zir in zo an si timi a theithiam ih a thawhtu ek le zuun in an hriselnak a tah thiam.

Smart toilet cu a khihtu hriselnak theithaimmi nazi fim (smart watch) vek, device phunkhat a si ih camera le motion sensors an bun mi cun a thawhtu ek le zuun ah natnak/natnak suakter theitu a tel maw timi a zoh thiam.

“Smart toilet tuah tum in ka idea ka relsuak cu a dangdaituk ruangah an hni ciamco” tiah zirzoinak hotu Sanjiv Gambhir in a sim ih “bathroom cu zopoh ih hman mi a si. Hrial theih khal a si lo ih natnak theithiammi device kan bun bet tikah minung hrang ah a ṭangkai zet” a ti.

Smart toilet ih ek-zuun fen hlo tuding tidai khawlnak lever ah fingerprint reader a um cih ih tonak tang ih bun mi camera khal in a totu tawkua ṭial ih zir in zo a si timi a theithiam.

“Ruah/zoh remlo thil danglam cuang a si nan a hmangtu hrang ih ṭangkaizet dingmi device pakhat a si. Ek lak ah rilpi cancer, zuunkong phu lam cancer le nat ci dangdang suakter theitu a tel maw timi a theithaim. Kutzung ṭial vekin pakhat le pakhat kan tawkua ṭial a bangaw lo ih smart toilet sung ih camera cun a totu taw ṭial ih zirin zo a si timi a thei thiam” tiah Gambhir cun a sim.

Smart toilet cu doctor le nat check nak cet aiawh tuding ih tuah mi a si lo ih a hmangtu pawl ih natnak nei mi kha a luar hlan ih rak simtheitu hrang ih hman ding sawn a si.

Gambhir cun “A hnaṭuan dan cu mipakhat in a hmang zik tikah motion sensor in a rak thei thaim. Cule biometrics khan zo a si timi a theithaim ih data a lak mi kha cloud server ah a kuat cih hngalh.”

“Camera in ek sample a record mi cu algorithms in ziang a tel ti a zohciang. Cuvek ṭhiamṭhiam in Zuun khal cu algorithms in a zoh ciang” a ti.

Stanford University ih mithiam pawl cun mipum 300 hmang in survey an nei lai ih survey ih teltu zaṭek 52 cun “Smart toilet ih Ek le Zuun thawh a har cuangnak kan thei lo” an ti.

Leave a Reply

Your email address will not be published. Required fields are marked *