Switzerland ram ah Chocolate Vur a Sur

Switzerland, Olten khua ah Chocolate Vur a tlak ruangah khuasung mipi an mangbang zet. Khuasung ah a darh ṭheh ih lamziin le motor par pawl khal ah a daap thluh.

Chocolate Vur tlak mi zuk pawl cu social media ah an thlah ih, mah le zumnak cio rel in an elaw celcel.

Elawknak suak mi pawl cu Chocolate Vur a sur nak san thei ciang tu The Lindt & Spruengli company in simfiahnak an nei ih, “thinphang mangbang ding um lo. Chocolate Vur tlak nak san cu kan mah company ruangah a si.”

“Chocolate semdaitu ventilation system a siat lai fang ah nasaten thli a hrang ih Chocolate tuahnakding cocoa rialdip cia mi pawl cu thli in, boruak lakah a sem darh thluh. Cumi ruangah hivekin Chocolate Vur a tlak nak san a si” ti`n an company website ah an tarlang.

Khuasung ih tlak mi chocolate hnawmbal pawl cu a tuahtu company in thiamfai hna an ṭuan cih tum ih neta hnu ah hivek thilcang um nawnlo dingin kan ralring thlang ding an ti.

ref:Twitter

Leave a Reply

Your email address will not be published. Required fields are marked *