Sunlai rori ah Kum 26 mi, Uber driver an thawiThat

Suunlaipadir rori ah tualthahnak a thleng ih hih buainak thawn pehparaw in minung 5 an kai zo.

Commerce area, Guwahati, Assam ih thilthleng a siih tohkham thuhla ruangih buainak suakthok a si.

Thuhla umdan cu thawithat tuartu Uber driver Rituparna Pegu (kum 26) cun hna rak ṭuan tlang dah a rualpa Armaan Ali te` dawr ah a leng ih tohkham thuhla elawkin an dawr kiltu Hussain Ali cu a beng.

Hussain Ali cu lungawi loin a sungkhat pawl a va sawn hnu ah kut an thlak ve ih nasa zetin an thawi. Cuhnuah Hussain cun Uber driver Rituparna Pegu cu nam in a dawt. Thi le hnai ih khat, Pegu cu siizung lam ah an tlanpi nan lamziin ah a thi.

Khawsung mipi in tualthattu cu kai lohli dingin duhphorhnak an nei ih Covid – 19 boruak lai a si ruangah palik pawl thawn khal mallai an buai.

Palik pawl cun an buai laifang CCTV record mi zohsalnak an nei hnu ah buainak ih telve minung 5 pawl cu an kai.

“Tualthatnak thu thawn pehpar in Assam Chief Minister Sarbananda Sonowal in zingzoinak nei dingin Assam CID hnen ah thuthannak a nei zo ih nazi 24 sung ah buai nakih tel minung 5 an kai zo a si” tiin Chief Minister’s Office Twitter cahmai ah tarlang a si.

ref:THD,swarajyamag

Leave a Reply

Your email address will not be published. Required fields are marked *