Sun vang lai rori ah New York khawsung ah Nam thawn an dawtaw

Tlawngkai nihnih zinglam nazi 11.56 hrawng ah NewYork khawsung ziinpi ah buainak a suak ih mi pakhat cu a lu ah nam phunaw cercer laiin ziinpi ah vak in embulance umnak lam a pan lai video cu social media ah a lar.

Palik pawl ih simvek a si le nam thawn dawttuar pa hi a awm khalah an dawt ti a si. 120 West 125th Street, Harlem ih thilcang a siih nunau pakhat bawm ruangih buainak suakmi a si.

Mipa 4 le nunau pakhat in kum 34 hrawng vuakvel nunau pakhat ih paisa bawm an lak sak ih a va bawm ruangah hivekih namdawt a tuar nak san a si.

Vanṭhat nakah, namte in a luruh a dai ban lo ruangah a nunnak hrang tiang ṭih ding cu a um lo ih zamrang theitawk in siizung lam ih tlanpi a si.

Sergeants Benevolent Association thawn pehtlaihnak nei mi Ed Mullins cun “NewYork City politicians pawl in an khua an kil him thei nawnlo. Tubaite ah inn-lo neilo ziinkap ih riak mi, mi pakhat meisa thawn urkang a si. Tuah namte thawn dawtawknak a suak lala. Thlakhat sung lawng ah voi 125 rori meithal thawn kapawnak a suak” tiin New York City Mayor Bill de Blasio le NYC Council Speaker Corey Johnson cu a ṭongsan.

Hi thu thawn pehpar in kaihkhihnak a um hrih loih palik pawl in zingzoinak an nei rero lai a si.

ref:Dailymail

Leave a Reply

Your email address will not be published. Required fields are marked *