Sri Lanka ramsung Tipi ah Ziinan phur Lawngpi A Kang – VIDEO

Kuwait ihsin India lam pan mi ziinan phur New Diamnond Lawng pi cu Sri Lanka ramsung Tipi a thlen ah a kang.

New Diamond Lawngpi cun 270,000 metric tonnes ziinan a phur ih Lawng par ah hnaṭuan minung 23 an um.

Lawngpi cu Ziinan tamzet phur in Kuwait in a poksuak ih 3 September ah ,Sir Lanka, Ampara district thawn peng 20 luan hlatnak hrawng a thleng ah a engine a kang tiah Sri Lanka Navy Capt Indika Silva in a sim.

Amah cun, “September 5 ah a feh tumnak hmun thleng ding beisei a si nan hivekin vansiat an tong. Lawngpi in barrel million 2 tluk hrawng ziinan a phur. Asinan, meikang nak cu engine lam a si ruangah Ziinan umnak lam a tham ban lo.”

“Lawng par ih hnaṭuan minung 23 an um ih engine puak ruang ah Filipine rammi mipakhat nasaten hrimhma a tuar. a thi maw nungding tikhal reltheihlo” tiah Sri Lanka local media hnen ah a sim ih “a tu ahcun mei kan phal thei zo” a ti.

Leave a Reply

Your email address will not be published. Required fields are marked *