Solomon Tikulh ah Covid 19 nat A Thleng Thok

Minung ting 6 luan umnak Solomon tikulh(rampi) ah hmaisabiknak Covid 19 nat nei hmuhsuak a si thu, an ram Prime Minister Manasseh Sogavare in a phuang.

Hmuhhmaisabik Covid 19 nat nei cu Philippines ram ih tlawngkai mi a siih an ram a tlung hlan ah voi thum rori nat check nak nei ih negative mi a si nan an ram a thleng ih an check sal tikah nat nak a nei mi an hmusuak.

Philippines ih tlawngkai Solomon tikulh mi mipum 400 hrawng cu Covid 19 boruak ramri phit ah an ram ah tlung thei lo in an tang ih Cozah lam tawlrel nak in Vanzam thawn voithum nawl in an phur.

An phur tlung hlan ah Covid 19 nat nei maw, nei lo, voithum ciar checkfelnak an nei nan mi pakhat cun Covid 19 nat pianhmang langtuklo ci a rak nei tiah ramsung media ṭhenkhat in an tarlang.

Tu ah, a mah naivai ih um minung pahnih thawn a hran ten enkol an siih nat karhzai vivo ding an phan ruangah a phur nak ih teltu health workers pawl khal nat check nak an nei tiah SIP media in a tarlang.

Leave a Reply

Your email address will not be published. Required fields are marked *