Siipin ralrin peknak ngaihsaklo ruangah Innpi A Ciim ih Minung 10 thi

India : Thane district, Bhiwandi ah inn dotthum a ciim ih minung 10 an thi. Tuzing, September 21, zinglam nazi 3:40 hrawng ah a ciim ih nauhak 8 tel in minung 10 nunnak a cem.

Inn ciim mi cu a hlun tuk (kum 40) ruangah Bhiwandi Municipal Corporation in innluahtu hnen ah ralrinnak voihnih rori a pek nan an ṭhawn duhlo ruangah tuvek dinhmun a thleng nak a si.

Hih innpi ah innsang 25 hrawng an um ih zaan an it thaw lai takah a ciim mi a si.

Hih thu ah, Bhiwandi Municipal Corporation ṭuanvonei Ajay cun, “Innpi cu kum 40 upa a si. A hlun tuk zo ruangah innluahtu hnen ah ralrinnak voihnih rori kan pek nan an ṭhawn duh cuanglo.”

“Tuah, hivek dinhmun kan thleng ih siipin sim mi rak ngai hai bang sehla tuvek dinhmun kan si lo ding. Tu ahcun, nauhak 8 tel in minung 10 rori an thi ih inn ciim lak ihsin minung 20 lenglo kan phorhsuak zo” tiah Bhiwandi local news hnen ah a sim.

Tu ahcun, inn ciim mi cu siipin pawl in thianfaihna an ṭuan ih innciim ruangih hliamhma tuar pawl khal siizung lam ah an tuamhlawm rero a si.

Leave a Reply

Your email address will not be published. Required fields are marked *