Sex workers university kai a theih zo, Official in an ong zo

Pitling khawvel ih nuntukhawsakdan zirsuak thei nak centro university (online) cu Official in ong suak a si zo.

Leitlun sex workers university hmaisabik a siih a lak in zir theih a si.

Centro university cu 2017 ih din suah mi online subscription-based FanCentro thawn an ṭuan tlang ih pitling khawlvel ih lar suak thei dan, ṭhansodan, pumcawmnak ih hman theih dan le online fan pawl thawn remcang thei bik ih pehtlaihawkdan tivek an zirh.


FanCentro vice president Kat Revenga cun “lenglam pitling industry ahcun ziang thiamlo khal in tel theih a si. Asinan, online khawvel ahcun skill nei a ṭul zet.”

“Mi thenkhat cun online pitling khawvel ih lut ding ah hmelṭha le riruang ṭha lawng a ṭul an ti. Arak si lo, business phunkhat a si ve ih marketing, brand management, photography, videography, editing, accounting, make-up tuah dan tvk tiang thiam a ṭul. Cuvek pawl kan thiam lawngah sex worker hlawhtling kan si thei ding” a ti.

Centro university ahcun Kat Revenga ih sim mi vek pawl cu video thawn an zirh aw. A zirhtu ding Tlawng saya khal an mal zet laiih hnaṭuan kauh vivo thei dingin a hmaisabik online hmuhtonnak cu October 7 ah an nei a si.

Leave a Reply

Your email address will not be published. Required fields are marked *