Scientists : Thli ihsin khal Covid 19 suanawk a theih

Leitlun cokbuai ṭhehtu Covid 19 cu tuhlan ih ruatvek siloin thli (airborne) lak khalin suanawk a theih tiin leitlun ram 32 ih scientists pawl in an aupi ih WHO hnen ah official ih phuang dingin an dil a si.

WHO cun Covid 19 cu nat neitu pakhat ih hnaptii, ciil, khuhkhuhnak ihsin midang par ah suanawksin thei tiin a phuang mi a siih, tuahcun leitlun ram 32 ih scientists mipum 239 in an hmuhsuahmi thawn pehparin, Coronavirus cu thli lak khalin suanawk a theih tiin an phuang mi a si.

WHO hnen ih open letter an kuat mi ahcun “Covid 19 natneitu hnen ihsin a pet suakmi ciil, hnaptii tivek pawl cu a kiangkap ih umtu kaa, hnar le mit ihsin a lut lawng ah nat kaai thei lawng siloin nat neitu ihsin a suakmi hmuh thamlo nat hrik cu thli ah a fen thei ih cuih thli hiipngahtu hnen khal ah a suan thei a si” tiin an ngan a si.

Scientists pawl in hmuhsuahnak an nei mi pawl cu hmaizerh lam ih suahdingmi Scientific journal Clinical Infectious Diseases ah an telh tum a si.

Asinan, hih hmusuah tharmi cu mipi thinphang ternakding ih phuangmi siloin thli khal ih a suanawk thei zia mipi ih theihcian theinakding duhsan in an phuang mi a si.

ref:MSN,Wiki

Leave a Reply

Your email address will not be published. Required fields are marked *