Russia-Ukraine thubuai ah Israel a cangvai thok

Israel Prime Minister Naftali Bennett cu Russia-Ukraine buainak thu thawn pehpar in kaphnih hruaitu pawl thawn phone in an biakaw zo ih, atu ah atakin Russia President tong dingah Moscow lam pan in a poksuak zo a si.

Israel phunhnam pawl ngaipoimawh zetmi Sabbath ni rori ah khual tlawng suakin, zarhte zingah vanzam thawn a poksuak zo tiah Bennett zung ihsin thu an suah.

Israel Prime Minister zung ih spokesperson cun “remdaihnak hrangah Putin a tong tummi a si. Sabbath ni cu a si nan thih le nun thu a si ruangah phunhnam daan khalin a thiang ruangah zarhtezing ah khual a tlawng mi a si” a ti.

Israel ram cu Russia siseh Ukraine thawn khal, kaphnih rualrem zetih pehzomaw theitu leitlun ram maltetak ih telve mi ram pakhat an si ih, Ukraine hrang khalah bomnak pe rerozotu an si.

Tu dinhmun ah Russia-Ukraine buainak cu daih lam a pan thei hrih lo ih, Israel Prime Minister le Putin an tongaw hnu ah teh boruak a danglam pei maw timi cu atufang leitlunn mipi ih hngakhlap zetmi a si.

Russia le Ukraine karlak, tuáš­um buainak a suak hnu ah kaphnih hruaitu pawl voi 2 an tongaw zo nan, an thu a tluang thei lo ih, a ra lai ding mi tlawngkai nikhat ah voi 3nak tongaw bet dingin hmalaknak an nei rero a si.

Leave a Reply

Your email address will not be published. Required fields are marked *