Russia Tivapi Orange rawng ah a Cang, Afehnak ziin ih thil hmuahhmuah a tisiat thluh

Covid – 19 buainak in ṭihphannak hlir a suakter lai ah Russia ram ih tiva pakhat cu orange rawng ah a cang ruangah mipi a ti thinphang lawk.

Travel blogger Zamkadniy in drone hmang in a zuk mi a siih, a zuk mi pawl online ah a thlah veten Russia cozah in zingzoinak a nei. Athok ahcun an rak thei ve lo. Zamkadniy in drone hmang in a zuk mi zuk pawl online ih a thlah hnu lawngah an thei ih an theih le veten zingzoinak an nei.

Siberia, Lyovikha kiang ih hmannawnlomi copper an laihnak hmun ih a nee pawl le minung hrang ih ṭihnungmi chemical acid an hman hlei mi, an hlawn mi pawl cu ruahpi in a tawih ruangah a luang liam ih tivapi sungah a lut ruangah hivekin orange rawng ah a cangnak a si.

Kan dung kum lam ihsin environmentalist Andrei Volegov in Russia cozah hnen ah ṭih nung mi a si tin a rak sim zo nan cozah lam cun copper laitu company pawl in an hnawmhne pawl thianfai dingin paisa an neilo ruangah an thianfai thei lo tiin a rak let dah.

Curuangah company pawl ih tandanvek ciahin a um ih, tu ah, ruah pi in a tawih ruangah a luang liam ih a luang mi acid pawl cun a lamziin ih ummi hmuahhmuah tisiat in a hrawt fai ṭhluh.

Asinan Russia local news agencies pawl cun cozah in a thei ko nan hmantlak laimi khur a si ruangah kan phit theilo tiin an phit duhlo hrimmi a si tiin an rak phuang dah.

Kandung baite Fuel Oil leak mi

Kandung thla khalah copany pawl ih hman mi ziinan (fuel oil) suakmi ruangah harhdamnak hrangih ṭihnungding khawp in tidai a ti bal ruangah a kiangkap ih um mipi pawl an lungawilo a si.

ref:MT,MSN

Leave a Reply

Your email address will not be published. Required fields are marked *