Russia ram ah Covid 19 DokhamSii An Hmang Thok
Russia ram cun a ramsung suak Covid 19 dokhamsii (Sputnik V) cu December 5, zarhte ni in a hmang thok ih Moscow khuapi, bulpak siizung 70 lenglo ah tlangzarhnak a nei a si.
Russia khuapi Moscow sung lawng ah a rualrual in Covid 19 dokhamsii dawtnak kan nei tiah Moscow coronavirus task force in thuthang a phuang ih hmaisabik ah Covid 19 natnak thawn naiawcuang Siizung hnaṭuan, Saya/ma le social worker pawl dawthmaisabik an si ding ti`n an tarlang.
Moscow began distributing the Sputnik V COVID-19 shot via 70 clinics. It marks Russia's first mass vaccination against the disease, the city's coronavirus task force said https://t.co/7dtHOx7zES pic.twitter.com/Gbhjdrlyqy
— Reuters (@Reuters) December 5, 2020
Covid 19 dokhamsii dawt ding thu thawn pehpar in Moscow ih Tlawng sayama pakhat in “ram hrang ih mithupi fimzirnak thawn pehpar ih hnaṭuan na si ruangah Covid 19 vaccine a lak in na dawt thei” ti`n rampi cozah hnen ihsin messange a dong mi cu MC post hnen ah a sim.
Sputnik V Covid 19 vaccine cu ni 21 dan in voihnih dawt ding a si ih naupai nunau, damlo besiadeuh le tuhlan zarhhnih sungih thawthawt harsatnak thawn pehpar mi midamlo pawl cu ralrinnakah ti`n sidawt an kham hrih a si.
Russia ram hin tu ih an hman thokmi Covid 19 dokhamsii telin Vaccine pahnih a tuah ih a pahnih in netabiknak Phase 3 test nak an tuah khuasuak hrih lo a si.
#SputnikV named after the Soviet-era satellite, is in its third and final stage of clinical trials involving some 40,000 volunteers.https://t.co/fdF3qmxVw5
— Firstpost (@firstpost) December 2, 2020
Cuvek dinhmun a si ruangah le Covid 19 vaccine an tuah ṭheh suak rangtuk ruangah Sii vai lam thiamsang Leitlun mifim pawl cun a him ngai pei maw tiah thusutnak an nei ih Russia cozah lam cun a him zet ko an ti.
Tu dinhmun ah Russia ram cu Leitlun Covid 19 mina tambik ram 4 nak a si ih an ram sung ah positive mina 2.43M an um zo ih cumi lakah minung 42,684 an thi zo a si.
