Russia ralkap kut tuar i a thih hlan te ah Live a thlah ta

February 24 ah, Russia ralkap kut tuar ih nunnak liam Ukraine ralkap 13 lakih mipakhat cun kah an si hlan ah Live video a thlah ta. Tanglam ah VIDEO …

Ukraine ralkap 13 cu Tikulh fate, Snake Island kiltu an si ih an ram luhcilhtu Russia ralkap in an duty nak hmun ah raldonak Lawngpi thawn an kap that a si.

Kah an tuar hlan ih an biakaw mi audio file cu online ah a puut darh ih, mi ram luhcilhtu Russia Lawngpi sungin “Thi-hnai suak ṭul lo dingin nan ralthuam pawl thlak uh. Culocun, bomb thawn kan lo kap ding” tiah an auh.

Ukraine ralkap pakhat in “hitihi a si thlang ko” tiih a ṭong mi khal audio file ah a um. “Russian warship, go f*** yourselves” ti`n Ukraine ralkap pakhat khalin ṭongkamsia a barh hai.

Ralkap 13 duty nak cu Ukraine-Romania ramri, Tipi Dum par ih Tikulh fate ah a si ih an ram luhcilhtu Russia ralkap hmai ah ralṭha zetin ramhrang nunnak an hlan a si.

Ralkap 13 that an tuar thu cu Ukraine President Volodymyr Zelenskyy khalin conference ah a rel ih “Ukraine Paralṭha pawl” ti`n a sangbik upatnak kan hlan ding a ti.

Snake Island ih ralkap 13 telin Russia ralkap pawl in Ukraine an luhcilh ni a nikhat nakah Ukraine ram mi 137 an thi tiah President Volodymyr Zelenskyy in a rel.

Leave a Reply

Your email address will not be published. Required fields are marked *