Russia President Vladimir Putin cu Covid – 19 lakah Hitin a humaw
Covid – 19 nathrik kailo dingin theihtawk suahin kan kilhimawcio ih Russia President Vladimir Putin khal coronavirus kailo dingin amah hrang liolio ih tuahmi cet tumzet hmangin theipatawp suahin a kil him aw ve.
President a si vekin ram hrang thu relin minung tamzet thawn nitin tonaw ringring a siih Coronavirus a suak hnu cun video-conference in ramsung/ramleng ṭul poimawh relnak a nei ih lo theihlo a si lawngah hmaton in mi a tong ṭheu.
Cuvek caan ah a tongmi pawl an taksa par ih nathrik um lo dingin kilhim awnak hrangah a inn luhnak dingah tifaiawknak cet a hmang.
В резиденции Путина появился дезинфицирующий туннель. Человека дезинфицируют туманным облаком.
Туннель разработала пензенская компания. pic.twitter.com/9zNX7jrK2a
— Кремлевский пул РИА (@Kremlinpool_RIA) June 16, 2020
Video sung ih kan hmuh vekin cui cet cun a innsung lutdingtu cu sii thawn a sem ih a ti fai ta. Cuhnu lawngah President Putin cun a inn leng cu a tong ṭheu.
Hitiih a kil himawnak san cu a kiangnai ih hnaṭuan mi pawimawh tam zetin coronavirus an kai ruangah a si.
President hmangmi cet cu Moscow, Penza hrambun MIZOTTY company tuahmi a siih a mai hrang liolio ih tuahsakmi a si.
Russia ram hi leitlun coronavirus nathrik kaitambik ram 3 nak a si. Brazil le US sangtu a siih nathrik ruangih thi mipum 7478 an si.
CNN
