Ruahpi Ceen ruangah Kanan veng Thlaanmual a Min

Champhai : Tulai ruahpi ceen nak ruangah Mizoram, Champhai, Kanan veng ih thlaanmual ah leiminnak a suak thu theih a si.

1 August ah a min mi a siih lei min nakah thlaan 20 hrawng a siat a si. “ruahpi a tak ruangah maw, Champhai leiram a hnget nawn lo ruangah a si ti cu ka sim thei lo” tiah Champhai, Kanan veng ih um, mi pakhat cun F O M hnen ah a sim.

Amah cun,”Champhai leiram hi a dingder deuh hrimhrim thlang maw si ding, linghninnak khal tu le tu a suak. kandung July 28, zaan nazi 8 hrawng khal ah 4.6 magnitude thacak Ling a hnin. Theih thamlo khal in a hnin ṭheu” tiah a sim.

Tulaifang, Leimin le Linghnin a zomzom in a suak ṭheu ruangah Mizoram mipi an thla a phang zet. Hiti vekin Mizoram ah Leimin le Linghninnak a suak zual cuang ruangah CM Pu Zo Ram Thanga in Geological Survey of India ih mithiam pawl, Mizoram leilung umdan zoh ciang dingin Center pi hnen ah July 10 ah zangfahdilnak ca a kuat a si.

zuk:HT Tluanga Chc

Leave a Reply

Your email address will not be published. Required fields are marked *

error: hahahahahaha !!