Rittheih-si zuar pawl cu Lockdown in a ti buai ve lo

Covid – 19 lockdown ruangah hnaṭuan khal theihlo, ṭuan ding um lo ih harsat kan tuar lai ah rittheih-si zuar pawl cu an rak buai tuk lemlo.

Ram ṭhenkhat ahcun lockdown lai ah parcel, food delivery hnaṭuan cu an siang. Rittheih zuar pawl cun remcang ah lakin parcel, food delivery tu vekin an thuamaw ih customer pawl inn rori ah an va zem.

An hnaṭuan a tluang zet ih si zem in sukso an vaknak ih hman mi Taxi mawngtu pawl tiang in an rak hlawk pi ve.

UK, Ireland, Malaysia le Spain ram pawl ah an tambik ti a si ih cocaine, marijuana, ketamine le ecstasy tvp tham an tambik.

Kan dung baite khal ah Ireland police officer pawl in pizza kuang sung ih thup mi cocaine ponds 17 le meithal 2 an kai.

Delivery hnaṭuan ngaingai tu khal an mah thei loin an hmang phahphah. Gombak district, Kuala Lumpur ih delivery hnaṭuan pakhat khal cu a mah thei loin rittheih-si an phur ter. Nan, an cah mi le rawl malte lawng a si. Bag a phur mi le a rit tuk ruangah rinhleh in police pawl a sim ih a sung an zoh tikah Cocaine 11 kilograms lai an hmu a si tiin international police organization cun an phuang.

Leave a Reply

Your email address will not be published. Required fields are marked *