Red Bull neitu` Tupa buainak thuhla SoSang

Red Bull energy drink neitu` tupa Vorayuth “BOSS” Yoovidhya in 2012 kum ah palik pakhat, motor thawn a rak sut that dah ih, cuih ṭum an buai nak rak theihpi vetu (2012 hit-and-run key witness) Jaruchart Mardthong (kum 40) cu kan dung tlawngkai ni 4 ah motorcycle accident in a thi.

Palik lam in cu accident in a thi, CCTV sung khal ah kan zoh an ti nan, paisa nei pawl in duhtawkih herkual thei, Thailand palik nunrawng zia theitu mipi pawl cun an zum thei lo. Thil diklo a um timi an thei. Autopsy tuahnak result khal an phuang duh hrihlo ruangah mipi an lungawi theilo.

Motorcycle accident nak in 2012 hit-and-run key witness a thi

Mipi lungawi lonak bik cu 2012 kum ih hit-and-run case thawn mawhphurtu Vorayuth “BOSS” Yoovidhya case cu, 24 July 2020 ah simfiangnak ziang hman umloin palik in an phit. Cuhleiah ‘mithi tei` innsang in court lam ah direct in tayacuai saalnak an nei lawng ah le 2012 kum ih an buainak thawn pehpar mi, key witness lam ih evidence thar a umlo ahcun, buainak case kan ong saal nawn lo ding. Kan phit lan ta ding’ ti`n palik in an ti ruangah mipi an lungawi lo ih, tu ah, key witness bik a thi bet ruangah mipi in rinhlehnak an nei ih an lung a awi thei lo.

An lungawi lonak lang ter in Online lam khalah cangvaihnak nasa ten an nei ih Red Bull product lei lo dingih forhfialnak khal nasa ten an nei ih #BossYoovidhya timi hashtag khal Twitter ah a trending phah thluh.

Online ih an post mi, mi thinlung laakzet pakhat cu, “Kei mah lole midang pakhatkhat in motor thawn mi pah that pang seh la, a zaanzaan in thawng in thlak cih ding. Ni 2-3 ah mawh phurter kan si cih dingih a rapthlak zetmi Bangkok thawnginn ah kumkhua in, in khum cih ding. Kan palik pawl ih hnaṭuandan ka zahpi. Paisa thawn tawhruk thei khawp ih milian si ruangih a luat tertu Cozah le case thawn pehpar awtu mi hrawkhrawl pawl khal ka zahpi. Kan ram hruaitu lakah minung lungthin putu an tang nawn lo a si hi” ti a si.

Bangkok Post ih letter to the editor khalah “Money has once again dictated that justice in Thailand is very warped” ti`n an ngan.

Cutin, buainak a so sang vivo ruangah Thailand prime minister Prayuth Chan-ocha in key witness Jaruchart Mardthong ruak cu autopsy voihnihnak neisaal dingin thu a suah ih “a dik mi thuṭhennak um thei dingin cozah pi in kan zuam ding. A mawhtu pawl cu hrem an si ding. Cutiih kan ti theilo a si ahcun hih thuhla cu mipi thinlung ah a caam ringring ding” a ti. Asinan, mipi cun a hmin men in a ṭong mi a si an ti.

2012 kum ih Buainak
An buai lai ah Red Bull co-founder billionaire Chaleo Yoovidhya ih tupa Vorayuth Yoovidhya cu kum 27 a si.

3 September 2012 : Thai police senior sergeant-major Wichian motocycle to lai cu Chaleo Yoovidhya in a motor Ferrari thawn a pah. A tluk hnu ah meter 100 lai a hnuk bet ih Wichian cu a thi.

An sung lawyer in khai zaan ah Chaleo Yoovidhya in motor a mawng lo a ti nan Chaleo Yoovidhya in motor thawn a pah hnu ah a rial bet thu tiang, a phuang aw thluh. Cucingin nazi ṭem sung lawng thawng a tlak ih 500,000 baht (US$16,000) in an tlan lohlisaal. Cuhnu in tui` ni tiang thawng a tlak nawn lo.

Asinan an buainak thu cu court ah a nung ringring ih accident ni ihsin 2017 kum karlak ah thusutnak nei dingin court ah voi 8 rori an ko nan damlonak le khualtlawng puhmawh in voi khat hman a va lang lo.

Cutiih, court ih a langlo ruangah a mawi nakah ti`n 28 April 2017 ah kaihtheinak warrant an suah nan a mizaan vekah private Jet a neih mi tanta in Singapore ram lam ah a tlanhlo an ti ruangah an kaai thei lo. Asinan a theiciangtu a rualpi pawl cun ramsung, ramleng ah vaksuak in khual a tlawng ih motor to zuamawnak tivek khalah a tel ṭheu an ti.

24 July 2020 ah Thai Attorney General thusuahnak in Thailand palik in a case an phit thu an phuang. An phit naksan an rel lo hlei ah ‘mithi tei` innsang in court lam ah direct in tayacuai saalnak an nei lawng ah le 2012 kum ih an buainak thawn pehpar mi, key witness lam ih evidence thar a umlo ahcun, buainak case kan ong saal nawn lo ding. Kan phit lan ta ding an ti.

Red Bull energy drink co-founder billionaire Chaleo Yoovidhya

Cutin, case an phit hnu ni rei lo te ah mangbang thlak takin 2012 kum, an buainak rak theihpi vetu Jaruchart Mardthong (kum 40) cu motorcycle accident nakin a thi.

An thuhla thlirciangtu mipi in thil umdan an theithiam ruangah lungawi loin online ah cangvaihnak an nei ih an authawm cu Thailand prime minister in thei sakin a thuhla a zingzoitum bet a si.

ref:BBC,BKpost,Wiki

Leave a Reply

Your email address will not be published. Required fields are marked *