RC Singh : Ka tupa a mahten a that awlo Mi ih That mi a si

India lemcang hminthang Sushant Singh Rajput thihnak in a sungkhat unau rehsia terin a ti mangbang zet. June 14 ah a itnak innsung ih fan ah thlaiaw that in aruak hmuh a siih palik pawl cu a mahte thlaiawthat ih thimi siding an zum.

Asinan Sushant Singh Rajput ih pu (a nui` unau) RC Singh cun mi kut ih thimi siding a zum thu a sim ih CBI ih zingzoinak neisak ding a duh thu khal a sim.

“Ka tupa mahten that awding cu ka zum theilo. A thihnak dungah thilthup a um. Palik pawl ih hnaṭuandan cu kan thei cia vekin rin a tlak lo ih CBI pawl in zingzoinak nei seh la ka duh.”

Tu thla thok ih thi mi ka tupa manager Disha Salian khal tualthatnak ih thimi a si tiin a sim.”

A thih thuhla report sung ahcun thinbang rethei ruangah thla 6 sung treatment a lak ti a si.

Report ṭhenkhat le a inn kiltu security pa` simvek a si le a thih hlan te ih a umdaan a mi zia a dik lo ti a si.

Mumbai, Mount Blanc Apartments, Joggers Park ih inn a luah mi cu a hlang man thlakhat ah 4.51 lakh a siih tulai Covid – 19 ruangah hnaṭuan nei loin a um nak a rei zo ih cuvekpawl ruangah a thataw siding tiih zumnak nei khal an um.

ref:Bllwnews